Machadka caafimaadka bulshada ee Norway ayaa aaminsan in xagaagan mowjadda koronadu ay sare u kici karayso. Waxaa Machadku saadaalinayaa in noocyo cusub oo fayraska ah soo ifbixi karaan xilliga dayrta.
«Xagaagan (sommer) waxaa kor u kacay faafintaanka korona. Dayrtan (høst), waxa soo ifbixi kara noocoyo cusub kuwaas oo ka qayb qadan kara faafintaan iyo mowjad hor leh». Ayuu leeyahay machadka caafimaadka dadweynaha ee Norway (FHI).
«Xaaladda wali lama saadaalin karo. Waxaan filaynaa in cudurku uu mar kale sameyo kor u kac. Sadalinta waqtigaan ayaa waxa ay ku qotontaa faham dabiici ah oo ku beegamaya marka dadku ay ku soo laabtaan nolol maalmeedkooda ka dib xagaga» ayay FHI ku qortay warbixinteeda toddobaadlaha ah ee toddobaadyada 31 iyo 32.
FHI ayaan baaq guud u dirtay Xarumaha caafimaadku ayadda oo ku bogaadinaysa inay u diyaar garoobaan qaabilaada sadaalintaan.
Degmooyinka qaarkood ayaa waxay bixiyaanayaan talaal lagu kabayo/xoojinayo kuwii ka horeeyey. Dadka deggan guryaha waayeelka iyo qof kasta oo da’diisu tahay 65 ama ka weyn ayaa talaalkaan xoojinta ah loogu deeqi doona.
Toddobaadyadii la soo dhaafay ayaa waxa hoos u dhac ku yimid bukaanada liita ee ka fursan waayey inee isbitaaladda seexdaan. Toddobaadkii 32-aad, waxaa galay 192 bukaan, Todobaadkii 31-aad waxa galay 174, Todobaadkii 30-aad waxa galay 227.
