22.5 C
Oslo
onsdag, august 10, 2022

Cilmi-baarayaal helay sadex nooc oo covid-ka mudada dheer qofka haya ah.

Dad aad u badan oo uu ku dhacay feyruska covid ayaa mudo dheer u xanuunsanaa saameyntiisa, ama ay ku yeelatay waxyeelooyin caafimaad oo mudo dheer socda. Nooca covid-ka ee qofka saameynta ku yeesha mudadda dheer, ayaa waxaa loo yaqaan «Covid-ka dheer» ama Long covid.

Sida ay warbixin caafimaad ku sheegeen khuburo caafimaad oo dalka Ingiriiska u dhalatay, waxaa jira sadex nooc oo ah noocyada feyruskaa covid-ka ee saameyntiisu ay qofka heysato mudo aad u dheer. Waxeyna sheegeen in baaritaan kadib ay ogaadeen in saameynta daba dheeraata ee feyruska corona, ay ku xirantahay nooca feyruska ee qofka ku dhacay.

Qaar kamid ah dadka ay ku dhaceen noocyada feyruska ee Alfa iyo Delta ayaa isku arkay saameyn daba dheeraatay oo covid-ka ah, kuwaas oo ay kamid yihiin daal joogto ah, madax xanuun iyo maskaxda qofka oo fariisata ( Aan sidii la rabay u shaqeynin).

Halka qaar kamid ah dadka uu ku dhacay noocyadii hore ee feyruska ay isku arkeen calaamado kale oo saameyntoodu ay dheeratay, kuwaas oo ay kamid yihiin neefta oo yaraata iyo xanuun qaarka sarre ah.

Guruub sadexaad oo uu feyruska ku dhacay ayaa iyaga isku arkay calaamado kala duwan oo feyruska ah, ay kamid yihiin wadne-garaaac iyo murqo-xanuun. Waxeyna qaar badan oo kamid ah sheegeen inay isbadalo ku arkeen tindooda iyo qeybo kamid ah jirkooda.

Cilmibaarayaasha warbixintan soo saaray ayaa sidoo kale sheegay inay muhiim tahay in covid-ka aan loo arkin xanuun hal mar qofka ku dhaca oo tagay, laakiin uu mararka qaarkood noqon karo mid qofka ku yeesha saameyn mudo dheer socoto ama xitaa abidi noqon karto. Waxeyna ku taliyeen in si joogto ah loola socdo dadka uu saameynta ku yeeshay feyruska, lana siiyo daaweyn sax ah.

Xigasho/kilde: Forskere har funnet tre typer «long covid».

- Advertisement -
Latest news
- Advertisement -
Related news
- Advertisement -spot_img
Subscribe
Notify of
guest

Dette nettstedet bruker Akismet for å redusere spam. Lær om hvordan dine kommentar-data prosesseres.

0 Comments
Inline Feedbacks
View all comments
error: Digniin: Ha isku dayin in copy gareyso wararka aan daabacno. Waan kula soconaa.
0
Would love your thoughts, please comment.x
()
x