Adeega lacag isku dirista mobilka ee Vips ayaa laga bilaabo bisha August soo rogi doono qidmad lacageed oo ku socoto qofka raba inuu dirsado wax ka badan 5000 kr mudo 24 saacadood gudahood ah.
Vipps ayaa hadii aad rabto inaad hal mobilkaaga gacanta ka dirsato wax ka badan 5000 kr, dadka ka qaado qidmad lacageed oo gaareyso 1% lacagta uu qofka dirsanayo. Laakiin dadka ayaa farsamo adeegsan jiray, si aan lacagtaas qidmada ah looga qaadin, waxeyna dhowr mar oo kala duwan diri jireen lacag kali ahaan ka yar xuduuda 5000 kr, balse markii dhowr mar la kala diro ka badnaan karto 5000 kr.
Hadii tusaale ahaan uu qofku rabo inuu dirsado 12.000 kr, balse uusana rabin inuu bixiyo qidmada Vipps, wuxuu lacagtaas u kala qeybin jiray sadex lacag diritaan oo midkiiba gaareyso 4000 kr.
Vipps ayaa wixii ka bilowdo bisha August joojin soo rogi doonto in qofku uusan 5000 kr ka badan diri karin 24-kii saacba, hadii kale ay tahay inuu bixiyo qidmada Vipps ee 1%. Hadii uu qofku isku dayo inuu kala qeybiyo lacagta, sidii hadaba la sameyn jiray, wuxuu wali ku qasbanaan doonaa inuu bixiyo qidmadda Vipps, si lacagtaas ugu dirsanto.
