Isbuucii lasoo dhaafay waxaa dalkan Norway ardeydii sanad-dugsiyeedkan codsaday waxbarasho sarre usoo baxay jawaabta codsiyadii jaamacaddaha oo ay direen. Waxaana sanadkan nasiib u yeeshay inay boos ka helaan jaamacaddaha Norway kumanaan ardey ah oo waxbarasho sarre codsaday.
Qiyaastii 61% dadka sanadkan helay waxbarashada sarre ayaa ah dumar, halka 39% ay yihiin dumar.
Ururka ugu sareeya ee mideeya dadka aqoonta sarre ee Norway( Akademikerne) ayaa walaac ka muujiyay in tirada dumarka ah ee wax ka barta kuliyaddaha qaarkood ay aad ugu sareeyaan ragga. Waxeyna sheegeen in rag aad u yar ay sanadaha soo socdo noqon doonaa dhakhaatiir, dakhaatiirta ilkaha, cilmi-nafsi yaqaano iyo dhakhaatiirta xooladaha.
Meelaha sida gaarka ah ay tacliinleydu walaaca uga muujiyeen ayaa ah in ardeyda gabdhaha ah ee wax ka barta kuliyadaha caafimaadka, sida dhakhaatiirta caadiga ah iyo kuwa ilkaha, ay aad uga badanyihiin wiilasha. Waxeyna ku baaqeen in dowladu ay talaabo qaado si loo kordhiyo ardeyda wiilashada ah ee kuliyadahaad halbowlaha u ah bulshada wax ka barto.
Tusaale ahaan 72% ardeyda dhigata kuliyada dhakhaatiirta ayaa ah gabdho, halka wiilashu ay yihiin 28%. Sidoo kale 80% ardeyda dhigata kuliyada caafimaadka ilkaha( Odontologi) ayaa ah gabdho, halka wiilashu yihiin 20%. Kuliyada cilmi-nafsiga 74 ayaa gabdho ah, halka wiilashu yihiin 26%.
Ururka taciinleyda Norway ayaa qoraalka ay soo saareen ee walaaca ah sidoo kale ku sheegay in muhiim tahay, xiligeediina la joogo, in dowladu ay qaado talaabooyin kor loogu qaadayo tirada wiilashada ee waxbarashada sarre, gaar ahaan kuliyada qaarkood, si ay u gaaraan gabdhaha.
Xigasho/kilde: Xigasho/kilde: Akademikerne: – Kjønnsfordelingen på noen studier er urovekkende stor.
