22.5 C
Oslo
onsdag, august 10, 2022

Arlanda: Qof lagu qabtay 160 milyan kr oo boorsooyin ku jirto.

Sida ay xaqiijiyeen booliska Sweden, waxaa dacwad lagu soo oogay Nin bishii May lagu qabtay garoonka diyaaradaha magaalada Stocklom ee Arlanda, isaga oo tahriibiniyo boorsooyin ay ku jiran lacag u dhiganta 160 milyan kr.

Ilaalada garoonka diyaaradaha Arlanda ayaa qabtay Ninkan oo wata sadex boorso oo ay ku jiraan lacago kala duwan oo isku darkii gaaraya 160 milyan, balse ka kooban lacagaha dhowr wadan oo kala duwan. Waxaa kamid ah 33 milyan kr oo lacagta Norway ah. Lacagaha kale ee boorsooyinkaas lagu qabtay waxaa kamid 2,6 milyan oo lacagta Denmark ah, 335.000 oo lacagta Euro-ga ah, 90.200 $ oo Dollar ah iyo 10.300 oo lacagta Pound-ga dalka Ingiriiska ah.

Ninka 35 sano jir ah oo boorsooyinka lacagahan lagu qabtay watay ayaa la sheegay inuu safar u ahaa magaalada Istanbul ee dalka Turkiga. Uuna boorsooyinka ay lacagaha ka buuxaan galiyay qeybta xamuulka diyaaradaha ee sida gaarka ah looga taxadaro ( spesialbagasje). Laakiin markii ay ilaaladda xuduuduhu ay saareen raajadda baaritaanka ayaa la ogaaday in boorsooyinkaas ay lacag ka buuxeen.

Ninka la qabtay oo aan la sheegay dalka uu u dhashay ayaa markii hore ee boolisku ay wareysteen sheegay in la qiyaanay, uusana ogeyn in lacago boorsooyinka loo soo dhiibay ay ku jireen. Balse markii mobilkiisa gacanta la baaray, waxaa la helay wadahadalka khadka Whats-uppka oo u dhaxeeyay isaga oo nin kale oo magaalada Stocklom ku leh goob lagu iibiyo roogaga qaaliga ah. Waxeyna ka wada sheekeysanayeen tirada lacagta boorsooyinka ku jirto, iyo qaabkii dalka looga saari lahaa, sida ay boolisku sheegeen.

Labada nin ee la qabteyba, waxey hada ku eedeysanyihiin danbi la xiriira lacag dhaqis iyo lacag tahriibin. Waxaana lagu eedeeyay inay sameeyeen sideed (8) safar oo kala duwan oo lacago looga saarayay dalka Sweden.

Labada nin ee la eedeeyeyba wey diideen danbiga loo soo jeediyay.

Xigasho/kilde: Tatt med kofferten full av penger på Arlanda – hadde 33 millioner norske kroner.

- Advertisement -
Latest news
- Advertisement -
Related news
- Advertisement -spot_img
Subscribe
Notify of
guest

Dette nettstedet bruker Akismet for å redusere spam. Lær om hvordan dine kommentar-data prosesseres.

0 Comments
Inline Feedbacks
View all comments
error: Digniin: Ha isku dayin in copy gareyso wararka aan daabacno. Waan kula soconaa.
0
Would love your thoughts, please comment.x
()
x