Sida lagu sheegay warbixin kasoo baxday machadka caafimaadka dadweynaha ee Norway, labadii sano ee lasoo dhaafay ee uu socday feyruska corona, waxaa geeri ay sababtay khamri cabis gudaha Norway ugu geeriyooday dad gaaraya 758 qof.
Sanadkii lasoo dhaafay ee 2021 oo kali ah 371 qof ayaa gudaha Norway ugu geeriyooday khamri cabis.
Jørgen Gustav Bramness oo ah cilmibaare katirsan machadka caafimaadka dadweynaha Norway ayaa sheegay in dadkii horey u cabi jiray khamriga, ay aad usii badsadeen khamri cabista labadii sano ee uu socday feyruska corona. Sidaas darteedna ay u badatay tirada dadka xanuunadda daran ka qaada khamri cabista ama u geeriyoodaba.
