Bankiga DNB ayaa hore ugu wargaliyay macaamiishisa in ay haystaan toban maalmood oo ay dib ugu cusbayn karaan aqoonsiga macmiilka, kadib marki uu bangigu u baaqay inay soo gudbiyaan aqoonsiga sharciga ah ee qofka.
Haddii macaamiilku cusboon siin waayo aqoonsiga wakhtiga kama dambaysta ah ka hor, waxaa suurto gal ah in akoonka waa laga xanibbo. DNB ayaa hadda ku howlan xiritaanka akoonnada macaamiisha, waxa bangigu sheegay todobaadkii hore in bangigu si joogto ah u xirxirayo akoomada maalmaha Isniinta. Lataliyaha dhanka isgaarsiinta ee DNB, Stål Ulvin Garberg, ayaan si gaar ah faahfaahin uga bixin tiradda macaamiisha ay xireen akoomadooda ilaa hadda, laakiin wuxuu Nettavisen ku u sheegay in wadarta akoomada la xirey ay tahay mid saraysa, waxaase uu ka gaabsadey inuu sheego tiro cayiman.
DNB ayaa sheegaya in ay Asbuucaan bilowgiisa ay si wadayso xiridda akoomo hor leh
“Waxaan la xiriirnay macaamiisha dhowr wareeg oo kala duwan, waqtiga kama dambaysta ah ee xannibista waxay noqon doontaa mid gaar u macmiilka kadib marki uu baaq ka helo bangiga. Horaanta asbuuca ayaan bilaabayna inaa xirno akoono hor leh “ayuu yidhi DNB.
Baahida DNB ee cusbayska aqoonsiga macmiilka ayaa abuurtay fal celin wayn oo ka dhan ah bangiga macamiishiisa. Fal celintaan oo culeys xambaarsan ayaa waxa door wayn ku leh safaradda dheer ee macmiisha qaar u galayaan si ay codsiga bangiga u hirgaliyaan.
Dadka da’da ah ee aan haysan BankID, ama awood u lahayn inay tagaan xarumaha DNB ayaa ayadna caqabad kale ah.
Nettavisen ayaa waxa uu horey u wariyey Oskar torkelsson oo da’diisu tahay 58 in uu 10 saac safar u galay si uu codsiga bangiga u meel mariyo. Macamiisha uu ka mid yahay Oscar ayaa aaminsan in codsiga bangigu uu yahay mid xadka ka baxsan.
-Mar DNB la weydiiyey fariinta ay u diri lahayeen macmiisha waayeelka ah ee aan fursad u helin inay is aqoonsigooda cusbeeyaan in akoomadodoa la xirayo ayaa waxa bangigu ku jawaabey “Waxaan ugu baaqayna in waayeelku ay nala soo xiriiraan, waxaan isku dayeyna inaan xal wanaagsan si wadjir ah u gaarno. Sharciga Lacag-dhaqidda Lacagta ayaa dhigaya shuruudo adag oo cad oo ay tahay in baangigu ogaadaan cidda macaamiishiisu ay tahay. Tani waxay ka dhigan tahay waa inaan ka codsano macaamiisheena in ay is aqoonsigooda u cadeeyaan si joogto ah. Waxaan si gaar ah xaaladooda u fiirinena macaamiisha da’doodu ka weyn tahay 80 jir kuwaas oo aan sababo kala duwan isku aqoonsigooda u cusbay karin, ayuu yidhi Garberg oo ku sugan DNB.
Macaamiisha DNB waxay isticmaali karaan barnaamijka ID-sjekk ama BankID, ama bogga bangiga ee internetka. sido kale macamiishu waxa ay aadi karaan goobaha DNB xafiisyada ku leeyahay, si ay aqoonsigooda u xaqiijiyaan. Aqoonsiga cusbeynintisa ayaa waxaa qofka loo baahan yahay, baasaboor ama kaarka aqoonsiga qaranka( ID kort).
Xigasho/kilde: DNB er i gang med å stenge kontoene til kundene.
