Sida lagu sheegay warbixin iyo tirokoob kasoo baxay wakaaladda tirokoobka ee SSB, ilaa 73.000 qof oo asal ahaan soo galooti ah ayaa ka shaqeeyo, shaqooyin aan u qalmin aqoontooda ama waxbarashada jaamacadeed ee ay barteen.
Isla warbixintan ayaa lagu sheegay in 40% dadka ajaaniibta ah ay ka shaqeeyaan shaqo aan u qalmin aqoontooda. Taas oo ka dhigan in qof waxbarasho heer sarre ah heysto uu ka shaqeeyo shaqo aan shuruudo adag ku xirneyn ama ka hooseyso heerkiisa aqooneed.
Hadii isla barbardhig lagu sameeyo, 14% Norwiijiga ayaa ka shaqeeyo shaqooyin aan u qalmin heerkooda aqooneed.
Warbixinta SSB ayaa sidoo kale lagu sheegay in dadka asal ahaan soo galootiga ah ee dalka degenaa wax ka badan 10 sano, ay ku badanyihiin dadka ka shaqeeyo shaqooyin mushaar iyo aqoon ahaanba ka hooseeyo aqoontooda shaqo.
Xigasho/kilde: Overkvalifiserte innvandrere ender i andre yrker.
