Booliska Oslo ayaa saaka xabsiga dhigay isku dar shan(5) oo ku eedeysan musuq-maasuq ama ka qeybqaadasho howl musuq-maasuq. Afar(4) qof oo kamid ah dadka la xiray ayaa ka shaqeeyo hey´adda NAV iyo Bankiga Nordea, waxaana soo xiray oo xabsiga dhigay booliska, kadib howlgalo qorsheysan oo ku qaadeen dhowr meelood oo kala duwan oo oo Oslo.
Booliska ayaa war qoraal ah oo ay soo saareen ku sheegay in sidoo kale ay baaritaan ka fuliyeen dhowr guri oo magaalada Oslo, ayna wareysi la yeelan doonaan dhamaan dadka la xiray isla maanta oo Talaado ah.
Labo kamid ah dadka la xiray ayaa ka shaqeeyo bankiga Nordea, halka midna uu ka shaqeeyo Nav. Sidoo kale waxaa kiiskan dartiis loo soo xiray qof horey uga shaqeyn jiray hey´adda NAV.
Kristin Rusdal oo ah qareenka booliska oslo ayaa sheegtay in kiiskan uu la xiriiro tuhun ku saabsan inay sifo aan sax aheyn, loo bixiyay deyn gaareyso 150 milyan, iyada oo la adeegsanayo macluumaad aan sax aheyn.
Bankiga Nordea oo kiiskan ogaaday bishii Maarso, ayaa bishii Maarso booliska u gudbiyay dacwad la xiriirta tuhunka arrintan. Booliska oo ka duulayo dacwadaas, ayaana maanta soo xiray shaqaale katirsan bankiga Nordea iyo hey´adda NAV.
Qareenka booliska ayaa sidoo kale sheegtay kiisaskan ay u arkaan mid xoogan.
Christian Steffensen oo ah madaxa xiriirka Bankiga Nordea ayaa dhanka kale sheegay in waxyaabaha kiiskan ku jiro ay muujiyinayaan danbiyo la xiriira xeer jabin oo la sameeyay xili deyn la siinayay dad, iyada oo la adeegsanayo macluumaad aan sax aheyn.
Xigasho/kilde: Bankansatte og Nav-ansatt pågrepet i stor politiaksjon i Oslo.
