Booliska magaalada Oslo oo isugu jiro dharcad iyo kuwa labisan ayaa xaley howlgalo hub-baaris ah ka sameeyay senterka magaalada Oslo. Waxeyna sheegeen inay hub ka baareen 940 qof oo senterka magaalada marayay, ayna mindiyo ka heleen lix(6) qof oo kamid ah dadka la baaray.
Lixdan(6) qof ee la qabtay ayay boolisku sheegeen ineysan heysan sabab ay hub magaalada ugu dhex wataan. Waxaana kiisas dacwad ah oo ku saabsan wadashada hub sharci daro ah ka gudbiyay booliska.
Howlgalka ay xalay sameeyeen booliska Oslo ayaa qeyb ka ah dadaalada ay wadeen laamaha amaanka magaalada Oslo, kadib markii ay isbuucyadii lasoo dhaafay soo bateen dilalka iyo danbiyada ka dhaca gudaha magaalada Oslo.
Xigasho/kilde: Stor våpenkontroll i Oslo: Seks tatt med kniv.
