Sadex isbuuc kahor ayey aheyd markii xisbiyada midigtu ay mar kale ku guuleysteen doorashada baarlamaanka dalkan Norway, waxaana wali jiro farqi weyn oo u dhaxeeyo xisbiyada, taas oo adkeyneyso qaabka ay u wada shaqeyn lahaayeen. Xisbiga KRF ayaa isbuucii hore isaga baxay wada hadalada dowlada, waxaana wali laga warsugayaa Venstre oo aan go´aan rasmi ah gaarin.
Ra´yi uruurin laga qaaday dadweynaha Norway, laguna weydiiyay nooca xukuumadeed oo ay doorbidayaan doorashada kadib, ayaa lagu ogaaday in wax ka badan 50% ay rabaan xukuumad ka kooban xisbiyada Høyre Krf iyo Venstre.
34% dadka laga qaaday ra´yi uruurinta ayaa sheegay inay ku qanacsanyihiin xukuumada hada jirto ee ka kooban Høyre iyo Frp. Arintan ayaa ka cadaad wax xoogaa ah saareyso reysulwasaaraha hada talada heyso ee Erna Solberg.