Farhia Luul Makerow oo ah gabar dhalinyaro soomaali ah ayaa sanadkan kamid noqotay dadka u sharaxan bilad sharafeedka «jenteprisen» oo ah bilad uu bixiyo ururka caalamiga ah ee Plan, laantiisa Norway.

Farhiya ayaa qeybta ugu weyn ka qaadatay filim dokumentari ah, kaas oo bilowgii sanadkan ka baxay Tv-ga qaranka Norway ee NRK, looga hadlayay dhibaatada gudniinka iyo waxyeelooyinka caafimaad ee uu dumarka u geysto. Filmkaas oo loogu magac daray «I min mors navn» ayaa u sharaxan dhowr biladood kuwa oo filimada lagu qiimeeyo ah. Halkan ka daawo filimkaas. 

Bilada «jenteprisen» oo qofka ku guuleystay lagu dhawaaqayo 11-ka bishan October, ayaa waxaa sidoo kale u sharaxan Sumaya Jirde oo iyaduna ah gabar soomaali ah.

Xigasho/kilde: Østland-Posten.no