Sida laga soo xigtay tirokoob ay sameysay wasaarada waxbarashada Norway, 72% caruurta ay dhaleen dadka soo galootiga ah ayaa sanadkii lasoo dhaafay dhameeyay dugsiga sare ee dalkan Norway, iyada oo sanadkii 2013 ay tiradaas aheyd 66%.

Waxaana 3 sano gudahood tirada caruurta ay soo galootigu dhalaan ee dhameeyo dugsiga sare ku yimid kor u kac dhan 6%. Waxeyna hada la simanyihiin  tirada guud ee  ardeyda dhameyso dugsiga sare wadanka oo dhan.

Inkasta oo tirada ardeyda soo galootiga ah ee dhameysa dugsiga sare, hadana Wasiirka cusub ee waxbarashada dalkan Norway Henrik Asheim ayaa aaminsan in wali uu jiro farqi weyn uu dhaxeeyo ardeyda. Wuxuuna sheegay in tirada ardeyda soo galootiga ah ee ka dhaca dugsiga sare ay wali aad u badantahay. Sidoo kale in tirada gabdhaha dhameeyo dugsiga sare ay aad uga sareyso tan wiilasha.

Wasiirka waxbarashada ayaa raaciyay in inkasta oo uu muuqdo horumar, hadana aan wali la gaarin meeshii la rabay. isaga oo sheegay in qofku uu dhameeyo dugsiga sare, ay qofka siineyso fur sad weyn oo uu shaqo ku helo ama uu aqoon sare kusii qaato.

Xigasho/kilde: ABC-NYEHTER.   Nettavisen.no