Sida ay qorayaan warbaahinta dalka Sweden, Rakhmat Akilov oo ah ninkii ka danbeeyay weerarkii Stocklom, ayaa ahaa mid ay booliska Sweden ku raad-joogen bilihii ugu danbeeyay, si ay wadanka uga tarxiilaan maadaama loo diiday sharciga magangalyada.

Rakhmat Akilov oo dhalasho ahaan kasoo jeedo dalka Uzbekistan ayaa weerarkii jimcihii ku dilay 4 qof, halka ku dhaawacmeen tiro toban qof ka badan. Waxaana uu qirtay inuu ka danbeeyay weerarkaas, isaga oo raaciyay inuu amar ka helay kooxda Daacish.

[adsenseyu2]

FRP: Arintaas waxey noo tahay Digniin

Xisbiga FRP oo u eg mid ka faaíideysanayo weerarka Sweden ayaa sheegay in arintaas ka dhacday Sweden ay sidoo kale ka dhici karto Norway. Isla markaana loo baahanyahaya in booliska la siiyo awood dheeri ah si ay dadka lagu amray inay wadanka isaga baxaan, looga tarxiilo wadanka.

Xigasho/kilde: Aftenposten.no, Adresseavisen

[adsenseyu2]