Dawladda dalka Sweden ayaa maanta soo saartay go´aan ah in dib loo soo celiyo howlihii shaqada qaranka ee loogu yeeri jiray dhalinyarada, marka 18-sano gaaraan.

Laga bilaabo kowda bishii Juun ee sanadkan, ayaa dhalinyarada dhalatay laga soo bilaabo 1999 iyo wixii ka danbeeyay loogu yeeri doonaa kamid noqoshada shaqada qaranka ee waajibka ah. 

Go´aanka dowlada Sweden ayaa yimid kadib markii ay soo baxday in tirada ciidanka dalkaas uusan tiro ahaan aheyn mid dhameystiran, hadii wadankaas uu xiligan galo dagaal.

Sweden ayaa sanadkii 2010 joojisay shaqada qaranka waajibka ah ee da´yarta loogu yeeri jiray, iyada oo laga dhigay mid uu qofku iskiis u dooran karo(aan waajib aheyn). 

Xigasho/kilde: NTB.

[adsenseyu2]