Waxaa jimcihii lasoo dhaafay magaalada Oslo shir kulahaa ururka mideeya qaar badan oo kamid ururada shaqaalaha ee ka dhisan magaalada Oslo(Fagforbundet). Ururkaas oo ay xubno ka yihiin dad gaarayo 38 500 qof.

Gudiga cusub ee ururkaas ayaa waxaa kamid noqday gabar soomaali ah oo lagu magacaabo Fathiya Khaliif Muuse. Fathiya ayaa sidoo kale ah gudoomiye ku xigeenka ururka shaqaalaha ay ku mideysanyihiin dadka ka shaqeeyo caafimaadka, arimaha bulshada iyo daryeelka ee magaalada Oslo.

Dhowrkii sano ee ugu danbeeyay waxaa kor u kacayay dadka soomaalida ah ee kasoo muuqanayo dhinacyada kala duwan ee mujtamac-weynaha wadankan Norway. Taas oo muujineyso in soomaalidu ay kasii gudbeyso xiligii lagu tilaami jiray inay tahay marti iyo soo galooti lagu maadeysto, ayna muuqanayo inay yihiin dad wax ku leh wadankan, xuquuq, xilal iyo waajibaadna yeelanayo.

Xigasho/kilde: Oslo.Fagforbundet.no

[adsenseyu2]