Ismael Sulub og Stabæk i kamp mot Chelsea. Foto: Stabæk Fotball
Ismael Sulub oo ah wiil 14 sano jir soomaali ah oo leh talent iyo xirfad kubadeed oo aan horey arag ayaa sifiican uga soo dhex muuqanayo deegaanka Moelv ee ka tirsan kommune-ka Ringsaker. Journalka lokalka ah ee aagaas oo warbixin ka qoray Ismael ayaa sheegay in wiilkan ay isha ku hayaan kooxaha ugu waaweyn wadanka. Ismaelayaa dhawaan lagu casuumay academy kuyaal magaalada Stocklom, isaga oo ciyaar kaga hor yimid kooxaha dhalinyarada(juniorka) Barcelona iyo Chelsea. Ismael ayaa caadiyan u ciyaaro kooxda dhalinyarada ee Meolv iyo waliba kooxda heerka koowaad. Wuxu kaloo tababaro la qaataa kooxda kale ee Hamarkameratene.
Geir Karlsen oo ah macalinka wiilkan yar ayaa cadeeyay in 50 sano oo uu ku dhex jiray kubada cagta uusan qof leh awooda iyo xirfada Ismael, marka loo fiiriyo da-diisa. Wuxuuna sheegay in uu wiilkan leeyahay talent iyo awood farsamo kubadeed oo ka duwan dhamaan kuwii uu arki jiray. Macalinka ayaa intaas ku daray inay isku dayayaan inay wax walbe oo Ismael ka caawin kara inuu sii horumariyo xirfadiisa kubadeed ay sameyn doonaan.
Ismael ayaa sheegay inuu raba inuu noqdo laacib lamid ah kuwa u ciyaaro kooxaha waaweyn sida Barcelona oo kale. Inkasta oo uu Ismael wali da ahaan yaryahay, kooxaha uu hada u ciyaaro ama tababarka la qaatana ay yihiin kuwo aan laheyn magac aad u weyn, hadana waa muhiim inuu helo taageero iyo dhiirigalin joogto ah si uu uga miro dhaliyo hadafkiisa ah inuu noqdo laacib heer caalami ah.
