Sanad walba waxaa dhowr magaalo oo wadanka ah, lagu qabtaa bandhigyada waxbarashadaha dugsiyada sare iyo jaamacadaha(utdanningsmesse). Bandhigyadaas oo ay kasoo qeybgalaan inta badan jaamacadaha waaweyn, dugsiyada sare, iskuulada iyo jaamacadaha gaarka loo leeyahay, iskuulada farsamooyinka kala duwan iyo waliba jaamacado wadanka dibadiisa ka socdo. 

Ujeedada bandhigyadan waxbarashada, ayaa ah in ardeyda aan wali go’aansan iskuulada ay sanadkan codsanayaan, iney helaan fursad ay ku ogaadaan jaanisyada waxbarasho oo ay hayaan jaamacadaha iyo dugsiyada sare. Isla markaana ay wixii su’ aalo ah oo ay qabaan. ay si toos ah u weydiiyaan dad ka socdo goobahaas waxbarasho oo bandhigyadaas kasoo qeybgala. 

Tusaale ahaan, hadii aad dagantahay Oslo, aadna rabto iney wax ka ogaato jaamacada kutaalo Trondheim, Stavanger ama Trømso, waxaad bandhigyadan waxbarasho aad kula kulmi kartaa dad ka socdo jaamacahadaas, kaagana jawaabi karo su’ aalaha aad rabtid inaad weydiiso. Intii aad adiga jaamacada u safri laheyd, jaamacadii ayaa adiga kuu soo safartay. 

Bandhigyadan ayaa ah kuwo ay aad ugu faa’ iideysan karaan ardeyda soomaaliyeed ee aan wali go’ aan doorasho waxbarasho qaadan. Ama dadka kale ee waxbarashada xiiseeya, rabana iney macluumaad dheeri ah ka ogaadaan. 

Sidoo kale waalidka soomaaliyeed ee raba iney ilmahooda kala taliyaan doorashada waxbarasho, waxaan kula talineynaa iney ilmahooda gacanta qabtan oo ay u raacaan bandhigyadaas si ay macluumaad usoo kororsadaan, ilmahoodan ay talo ay waxbarasho oo hufan u siin karaan. 

Sanadkan ayaa waxaa bandhigyadaas lagu qaban doonaa magaalooyinkan soo socdo:

Lillestrøm 9. – 10. januar
Halden 12. – 13. januar
Kristiansand 16. – 17. januar
Sandefjord 19. – 20. januar
Stavanger 23. – 24. januar
Bergen 26. – 27. januar
Ålesund 30. – 31. januar
Trondheim 2. – 3. februar
Bodø 6. – 7. februar
Tromsø 9. – 10. februar
Oslo Spektrum 15. – 16. februar

FG!: si aad uga qeybgasho bandhiyadan waxaad u baahantahay tigid(billet). Halkan ayaad ka heli kartaa tigidkaas oo lacag la’ aan ah: Riix halkan

Xigasho/kilde: Tautdanning.no

 

legg igjen kommentar/ ka dhiibo fikirkaaga

Bli den første som kommenterer/dhiibo fikirkaaga

Notify of
avatar
wpDiscuz