Foto: Guttorm Lende/KFUM-kameratene Oslo

Captankii hore ee xulka qaranka Soomaaliya Ciise Aden Abshir (Midnimo) ayaa mar kale kamid noqdey halbowlayaasha kooxda KFUM, kadib markii ay shalay shan iyo eber(5-0) ku xasuuqdeen kooxda Levanger. Ciise ayaa daqiiqadii 75-aad dhaliyay goolka afaraad, goolkaas oo ah kii ugu horeeyay ee uu dhaliyay tan intii uu usoo wareegay kooxda KFUM. Ciise oo shalay si weyn uga dhex muuqday garoonka ayaa loo aqoonsaday inuu ahaa xidigii ciyaarta (man of the match). 

Ciise midnimo oo kadib ciyaarta waraysi gaaban siiyay wargayska Dagavisen ayaa sheegay inuu aad ugu faraxsanyahay inuu ugu danbeyn shabaqa soo taabtay. 

Waligey waxaan ka ciyaari jiray weerar, marka laga reebo xili ciyaareedkii ugu danbeeyay ee aan la joogay kooxda Eidsvold Turn. Si fiican ayaa la iiga soo dhaweeyay kooxda KFUM, sharafna beyna ii tahay inaan gool u dhaliyo. Maadaama aan ahay  weeraryahan hore, farxad gooni ah ayay leedahay, inaad aragto kubado oo shabaqa galayso.

Ciise midnimo oo saftay dhamaan sagaalkii kulan oo ay  xili ciyaareedkan ciyaartay kooxda KFUM. Isaga oo soo bandhigay xirfad ciyaareed heer sareeyo iyo dadaal aan joogsi laheyn. KFUM ayaa hada ku jirta kaalinta 9-aad, iyada oo 10 dhibcood ka danbeeya kooxda hogaaminayso horyaalka heerka labaad ee Sandefjord. 

Halkan ka akhriso warkan oo af norsk ku qoran(les saken på norsk her)

 

 

 

legg igjen kommentar/ ka dhiibo fikirkaaga

Bli den første som kommenterer/dhiibo fikirkaaga

Notify of
avatar
wpDiscuz