Intii ay xusuustaado gaartaba, waxaa maqli jirtay dad badan oo Norway ka baxa, iyaga oo u adeeg doonto dukaanadda Swedishka ah ee kuyaal xuduuda Norway iyo Sweden, halkaas oo ay kasoo iibsan jireen cuntooyin iyo cabitaano sicir ahaan ka raqiisan kuwa Norway.
Balse wixii ka danbeeyay bishii February ee sanadkan, waxaa aad sare ugu kacay sicirka cuntada Sweden. Arrintan ayaa sida ay soo warinayan dukaamadda Norwiijiga ah ee kuyaal xuduuda Sweden, waxa ay sababtay in dad badan oo Sweden kunool ay Norway usoo adeeg doontaan.
Anders Fjellstad oo dukaan cuntada lagu iibiyo ku leh xuduudka Sweden iyo Norway ayaa sheegay inuu aad ugu faraxsanyahay in dukaankiisa uu ku dhex arko dad xuduudka Sweden kasoo talaabay oo adeeg doon ah.
