torsdag, mars 28, 2024

Maxkamad xukuntay imaam masaajid: Sababtan awgeed.

Maxkamadda Drammen ayaan lix maalmood oo xabsi shuruudeysan ah iyo 12.000 kr oo ganaax ah ku xukungtay Noor Ahmed oo imaam ka ahaa masaajidka Drammen. Imaamkan ayaa lagu helay danbiga lagu eedeeyay oo ah inuu faafiyay hadal naceyb ah oo ka dhan Yuhuuda, kadib markii uu qoraal kusoo qoray bartiisa Facebooga.

Imaamkan ayaa bishii May ee sanadkii 2019 bartiisa Facebooga ku qoray qoraal uu ku sheegay:

Hitler waxa uu ka tagay yuhuuda qaarkeed, si uu aduunka u tuso sida ay dadkaasi u yihiin dad xun, iyo sababta ay lagama maarmaan u tahay in la dilo.

Mar kale ayuu sanadkii 2021 bartiisa Facebooga ku qoray:

Israel waa sheydaan, Hitler ayaana badbaadiyay Yuhuuda qaarkeed, si aduunku uu arko in hadii ay sii noolaan lahaayeen ay sii wadi lahaayeen inay halis ku noqdaan bini-aadatanimadda.

Imaamkan oo qirtay danbiga lagu soo oogay ayaa sheegay in xiliga uu fariimahaas ku qorayay Facebooga uu ka xanaaqsanaa xasuuq ay Israel ka geysatay marinka QAZA, halkaas oo lagu dilay dad rayid ah.

Imaamka oo Pakistan u dhashay ayaa raaligalin ka bixiyay falka lagu eedeeyay, wuxuuna sheegay inuu dalbanayo cafis. Horey waxaa imaamkan looga ceyriyay shaqadii imaamnimyadda ee masaajidka Drammen, iyada oo maamulka masaajidka Drammen ay iska fogeeyeen arrinta lagu eedeeyay.

Xigasho/kilde: Imam dømt for hatefulle ytringer mot jøder.

Latest news
Related news
error: Digniin: Ha isku dayin in copy gareyso wararka aan daabacno. Waan kula soconaa.
0
Would love your thoughts, please comment.x
()
x