fredag, mars 29, 2024

Qaabka Baaritaanka da’da qoxootiga da’yarta ah oo walaac laga muujiyay.

Tan iyo markii ay guud ahaan Yurub, gaar ahaana Norway kusoo bateen tirada dadka da’ yarta ee codsanayo magangalyada qoxootinimo, Norway ayaa bilowday adeegsiga baaritaan jireed oo la sheegay in qiyaastii lagu ogaan karo da’ da qofka magangalyada codsaday ee dhalinyarada-

Adeegsiga baaritaankan ayaa si gaar ah ugu socday dadka sheegta inay ka yaryihiin da’ da qaar-gaarnimadda ee 18-ka sano, hadiiba uu imaado shaki ah in qofkaas magangalyada codsanayo uu da’ daas ka weynyahay. Caadi ahaan qofka 18 ka sano ka yar ee aan qaangaarka aheyn, wuxuu leeyahay xuquuqo iyo ilaalin dheeraad ah oo ku xusan sharciga magangalyada Norway iyo waliba kan caalamiga ah.

Hey’ adda qoxootiga Norway ee UDI ayaa horey u adeegsatay baaritaankan jireed ee lagu ogaanayo da’ da qofka, waxaana sidaas sharci ku helay ama ku waayay dad magangalyo codsaday.

Baaritaanka qalad ayuu wataa:

Hadaba gudi dhakhaatiir iyo khuburo ka kooban oo baaritaan ku sameeyay habka baaritaanka da’ da iyo qalabka la adeegsado, ayaa walaac xoogan ka muujiyay arrintaas. Waxeyna sheegeen in natiijadda kasoo baxdo baaritaankan uu la socdo qalad xisaabeed, kaas oo keeni kara in baaritaanku uu muujiyo da’ a ka weyn da´da rasmiga ah ee qofka.

Waxeyna gudigan sheegeen in arrintan halista keeneyso ay tahay in natiijadda baaritaanka oo qalad noqon karto, lagu saleeyo go’ aanka magangalyada qofka dhalinyarada ah. Taas oo hadii uu muujiyo da’ aan sax aheyn, keeni karto in qofku uu waayo magangalyo, ayna saameyn ku yeelato mustaqbalka qofka.

Xigasho/kilde: Feil i aldersvurderingen av unge asylsøkere.

Latest news
Related news
error: Digniin: Ha isku dayin in copy gareyso wararka aan daabacno. Waan kula soconaa.
0
Would love your thoughts, please comment.x
()
x