F.G: Muuqaalkan wargalinta ah waa mid si gaar ah ugu socdo dadka uu khuseeyo ee ka faa´iideysan kara, waxaana duubistiisa iyo soo gudbintiisaba maalgaliyay hey´adda UDI-da.
Barnaamijka Assistert Retur(Noqoshada qofka lagu caawinayo) oo ah barnaamij loogu talagalay inay ka faa´iideystaan dadka diidmada kama danbeysta ah(Endelig avslag) ka heysta codsiga magangalyada, ee xiiseynaya inay si xor ah iskood iyo doorashadood ugu noqdaan dalkii ay ka imaadeen. Waana barnaamij qofkii soo dalbado looga caawiyo inuu si iskiis ah oo sharfan ugu noqdo dhulkiisii hooyo, iyada oo laga taageerayo kharashaadka dib u noqoshada, waxaana qofka lagu taageerayaa abuuritaanka shirkad ganacsi ama loo maalgalinayaa fursad waxbarasho.
Muuqaalkan hoose waxaa warbixin guud oo ku saabsan barnaamijka assistert retur ku dhiibeyso Ullrik oo katirsan hey´adda UDI-da, iyo Maxamed Xabeeb oo katirsan hey’ adda DRC qeybteeda muqdisho. Wixii macluumaad ah ee ku saabsan barnaamijkan ka akhri bogga UDI-da ee: https://www.udi.no/retur/hva-er-assistert-retur/
