Hey´adda dowlada Mareykanka u qaabilsan xakameynta cudurada faafa ee CDC ayaa Norway ku dartay dalalka kujiro liiska uu qofku halista ugu jiro inuu ku dhaco feyruska Corona. Waxeyna dadweynaha Mareykanka kula talisay in aysan u socdaalin Norway.
Hey´adda CDC ayaa Norway ku dartay guruubka koowaad ee dalalka uu qofku uu halista aadka ah ugu jiro qaaditaanka feyruska Corona, waxeyna ku talisay in qofkii u socdaalayo Norway, uu hubiyo in marka uu si buuxdo u qaatay talaalka feyruska Corona.
Talada kasoo baxday dowlada Norway ayaa timid labo maalin uu kadib, markii dowlada Norway ay si buuxdo u furtay dalka Norway oo xirnaa mudo 500 maalmood u dhaafeyso. Waxaana inta badan la qaaday xeerarkii adkaa ee Corona, iyada oo dadku ay bilaabeen inay dib usoo ceshtaan noloshii caadiga aheyd.
CDC-da Mareykanka ayaa hadalkeeda sii raacisay in xitaa qofka si buuxdo u qaatay talaalka Corona uu wali halis ugu jiro inuu qaado feyruska Corona.
