Foto: Regjeringen.no

Reysulwasaaraha dalkan Norway Erna Solberg oo maanta shir jaraa´id la qabatay wasiirkeeda caafimaadka, ayaa sheegtay in xaalada Norway ee xanuunka Corona ay tahay mid aan la hubin sida ay noqon doonto, maadaama ay soo kordheyso tirada dadka laga helay xanuunka Corona. Waxeyna sheegtay in dowladu aysan wixii hada ka danbeeyo dabcin karin xeerarkii hore ee lagu xakameynayay xanuunka Corona, balse taas badalkeeda ay dhici karto in lasoo rogo qaar kamid ah xeerarkii iyo shuruucdii adkeyd ee lagu xakameynayay faafitaanka xanuunka Corona.

Reysulwasaaraha ayaa sheegtay in dowlada iyo hey´addaha caafimaadka heer gobolka iyo heer degmo ay si hoose oo saacad ah ula socdaan xaaladaha soo kordhayo ee xanuunka Corona, ayna mar walba qaadayaan talaabada ku haboon xiliga iyo xaalada markaas la joogo. Waxeyna sheegtay in maalmaha soo socdo ay yihiin kuwa kala cadeyn doono nooca go´aan ee dowlada ay ka qaadaneyso xaalada soo korortay.

Erna Solberg ayaa shaacisay in hadii xaaladu ay sidan kusii socoto, ay dowladu dib usoo celin doonto qaar kamid ah xeerarkii xakameynta xanuunka Corona. Waxeyna tusaale usoo qaadatay in dowladu ay dhimi doono tirada dadka ah ee kulmi kara, ayna dad badan ku qasbi doonto inay guryaha ka shaqeeyaan, ayna yareeyaan adeegsiga gaadiidka dadweynaha. Sidoo kalena dowladu ay dadka kala talin doonto inay u safraan degmooyinka uu xanuunku ku faafay, halka jaamacadaha iyo goobaha waxbarashada sare ay casharada qaab digital(Fogaan arag ah) ku bixi doonaan).

Xigasho/kilde: Erna Solberg varsler mulige innstramninger: Vi står på svært utrygg grunn.

Subscribe
Notify of
guest

Dette nettstedet bruker Akismet for å redusere spam. Lær om hvordan dine kommentar-data prosesseres.

0 Comments
Inline Feedbacks
View all comments