Dowladda Sacuudi Carabiya ayaa dadka ajaanibta ah ka joojisay visaha Cumrada, xilli uu aad u faafayo xanuunka dilaaga ah ee Corona, kaasoo kasoo bilowday dalka Shiinaha.

Malaayiin Muslimiin ah ayaa sanadka oo dhan Cumro u tega magaalada barakaysan ee Maka, waxaana ay tirada dadka Cumraysana aad sare ugu kacdaa xilliyada uu soo dhaw yahay Ramadaanka.

Xayiraadda ayaa kusoo beegmaysa iyadoo muddo ka yar 60 maalmood ay ka harsan tahay xilliga bisha barakaysan ee Ramadaan.

Dowladda Sacuudigu ma aanay sheegin in xayiraadda ay saameyn doonto Xajka sanadkan oo ku beegan bisha July.

Ma jiro qof qaba cudurka Corona oo ilaa hadda lagu arkay dalkaasi Sacuudiga, hase yeeshee dowladda ayaa joojisay dhammaan ajaanibta uga imanaya dalalka lagu arkay Corona.

Wasaaradda arimaha dibedda ee Sacuudiga ayaa sheegtay in go’aankan uu yahay mid si kumeelgaar ah loo dhaqangelinayo, balse ma aanay sheegin inta ay socon doonto xayiraadda.

Samiir Hashmi, weriyaha BBC ee ganacsiga Bariga Dhexe, ayaa sheegay in Sacuudiga uu ka baqayo in cudurka Corona uu dalkaasi ugu faafo si lamid ah sida uuu u saameeyay dalka Iiraan.

Inta badan kiisaska cudurkaasi ee lagu arkay dalalka Cumaan, Kuweyt iyo Baxrayn ayaa la rumaysan yahay inay yihiin dad siyaari diimeed uga soo laabtay dalka Iiraan.

Xayiraadda Cumrada ayaa culays dheeraad ah saari doonto dhaqaalaha Sacuudiga, maadaama uu hoos u dhacay qiimaha shidaalka cudurka Corona awgii.

Sacuudiga ayaa ah dalka shidaalka ugu badan u dhoofiya waddanka Shiinaha ee uu cudurka sida xun u saameeyay.

Xigasho/kilde: BBC-SOMALI

Subscribe
Notify of
guest

Dette nettstedet bruker Akismet for å redusere spam. Lær om hvordan dine kommentar-data prosesseres.

0 Comments
Inline Feedbacks
View all comments