Hadii adiga oo baabuur wada ay boolisku ku istaajiyaan, ayna ku weydiiyaan leysinka wadista baabuurta, isla markaana leysinka baabuurka aan wadan xilifaas, waxaad muteysan kartaa ganaax dhan 500 kr.
Laakiin wixii ka bilowday kowda bishan October ee sanadkan, waaxda socdaalka iyo gaadiidka ee dowlada Norway, ayaa sameysay App uu qofku si digital ah leysinkiisa ugu soo dagsan karo mobilka. App-kaas oo dowladu ay sheegtay inuu u shaqeynayo sidii leysinka caadiga ahaa, qofkuna uusan mar walba u baahneyn inuu kaarka leysinka wadista baabuurka wato.
Booliska ayaa sidoo kale dadka ku wargalinayo in leysinka digitalka ah uu ilaa hada ka shaqeynayo gudaha Norway, qofkii ka baxaya xuduuda Norweyna ay waajib ku tahay inuu wato kaarka leysinka wadista baabuurka.