Sjaman Durek oo ah nin asal ahaan reer Jamaica ah, heystana Dhalashada ayaa murankii ugu weynaa sanadkan ka dhex abuuray bulshada Norway, kadib markii uu saaxiib la noqday gabadha boqorka Norway, prinsesse Märtha Louise.
Lamaanahan ayaa sheegay inuu ka dhaxeeyay xiriir in mudo ah, kahor inta aysan shaacin oo bulshada iyo warbaahinta usoo gudbin.
Halkan ka akhri: Buuq ka taagan nin madow ah oo saaxiib la noqday gabadha boqorka Norway.
Sjaman Durek ayaa wareysi Dheer oo uu siiyay wargeyska Thetimes ee laga leeyahay dalka UK, ku sheegay in bulshada Norway uu kala kulmay takoorid iyo cunsurinimo.
Wuxuuna sheegay in dhowr mar loogu hanjabaday dil, loona soo diray fariimo sheegaya in cadaanku iyo madowgu aysan is guursan karin ama wada socon karin.
Sjaman Durek ayaa sidoo kale sheegay in loo soo diray sawiro muujinaya isaga oo geed ka laad-laado, wuxuuna raaciyay in lagu wargaliyay in la dal-dali doono hadii uusan ka harin gabadha boqorka.
Durek ayaa diiday inuu ka jawaabo su aal la xiriirta inuu booliska Norway iyo qoyska boqorka uu ku wargaliyay fariimahaas, si baaritaan dheeri ah loogu sii sameeyo.