Qareenka Xildhibaan Mazyar Keshvari oo katirsan xisbiga Frp, ayaa warbaahinta jimcihii lasoo dhaafay u sheegay in Keshvari uu baarlamaanka Norway u celiyay lacag gaareyso 450.000 kr.
Lacagtan ayaa aheyd mid uu Keshvari qirtay inuu wado aan sax aheyn uga qaatay baarlamaanka Norway, isaga oo u gudbin jiray waraaqaha safaro aanan jirin, oo Keshvari uu sheegi jiray inuu ku tagay gobolada Norway.
Keshvari ayaa hada ah maxkamad suge, waxeyna maxkamadiisu bilaaban doontaa 18-ka bisha October. Isaga oo ku eedeysan danbiga khiyaano dhaqaale oo culus.
Xeer ilaalinta booliska ee kiiska dacwada kusoo oogi doonto ayaa sheegay inay maxkamada ka codsan doonaan i Keshvari lagu xukumo sanad iyo bar xabsi ah.