Xalay fiidnimadii waxaa qarax weyn uu ka dhacay xarunta hey´addaha canshuuraha dalka Denmark ee magaalada caasimada ah ee København.
Sida ay boolisku xaqiijiyeen waxaa qaraxan ku dhaawacmay hal qof, halka xiliga uu qaraxan dhacay ay gudaha xarunta ku sugnaayeen dhowr qof oo u badnaa ilaalada xarunta hey´adda canshuuraha.
Booliska magaalada København ayaa war ay saaka soo saareen ku xaqiijiyay in qaraxaas uu ahaa mid weerar ah oo xarunta lagu qaaday, waxeyna sheegeen inay hayaan cadeymo arintaas xaqiijin kara.
Waxeyna boolisku sheegeen inay wali wadaan baaritaanka dhacdadan, ayna sii baari doono sida uu qaraxan ku dhacay iyo cida ka danbeysay.