Sida ay Wasaarada Cadaalada Norway u xaqiijisay wakaalada wararka ee NTB, dowlada Norway ayaa midowga Yurub labo mar ka diiday codsi la xiriira dib u dajinta qoxootiga cusub ee Yurub.
Gudiga midowga Yurub u qaabilsan qoxootiga ayaa labo mar Norway ka codsaday inay ka qeybqaadato dib u dajinta qoxootiga cusub ee laga soo badbaadiyo badda.
Norway ayaa sheegtay inay rabto nidaam isku dheelitaran oo dhamaan wadamada Midowga Yurub u qeybinayo qoxootiga, intii wadamo gaar ah, si toos ah codsi loogu diri lahaa.
Wadamada Finland, Luxembourg, Portugal, Germany iyo Faransiiska ayaa horey EU-da uga ogolaaday codsiga dib u dajinta qoxootiga laga soo badbaadiyo doomaha badda u dhaxeysa Libya iyo Italy.