Ra’iisul Wasaaraha Soomaaliya,mudane, Xasan Cali Khayre, ayaa Maanta Xafiiskiisa kula hadlay danjirayaasha Waddamada Sweden iyo Norway u jooga Soomaaliya, Von Uexkull Andreas iyo Rognlie Elin Bergith.

Sida ay qoreen warbaahinta maxaliga ah ee Soomaaliya, reysulwasaaraha Soomaaliya iyo safiirada labadaas dal ayaa ka wada hadlay xoojinta xiriirka Soomaaliya iyo dalalka Sweden iyo Norway.

Danjirayaasha Sweden iyo Norway u fadhiya Soomaaliya ayaa u sheegay Ra’iisul Wasaare Khayre, in Dowladahoodu ay ka go’antahay in Soomaaliya ay kala shaqeeyaan qorshaha dib u soo nooleynta kaabayaasha dowlada.

Safiirada dalalka Norway iyo Sweden ayaa labadooduba ku cusub shaqada, waxeyna xafiisyada dhawaan kala wareegeen safiiradii ka horeeyay. Norway iyo Sweden ayaa kamid ah dalalka sida gaarka ah u taageera dowlada Soomaaliya, kuna bixiya qarashaadka dheeriga ah sanad walba.

legg igjen kommentar/ ka dhiibo fikirkaaga

avatar
  Subscribe  
Notify of