Oslo: Wafdi ka socdo heyádda socdaalka iyo jinsiyadaha Soomaaliya oo Oslo ku sugan

Sida ay warbaahinta NorSom News kasoo xigatay ilo xog ogaal ah, waxaa magaalada Oslo isbuucan soo gaaray wafdi ka socdo heyádda socdaalka iyo jinsidaha Soomaaliya, wafdigaas oo uu hogaaminayo madaxa heyádda socdaalka, Maxamed Aden Koofi.

Wafdigan ayaa la sheegay inay Norway u imaaday qaadashada seminaaro iyo tababar ku saabsan howlaha socdaalka, waxeyna kulamo la qaadan doonaan heyádda socdaalka dalkan Norway ee UDI-da.

Bishii May ee sanadkii hore ayaa sidoo kale waxaa Norway socdaal ku yimid wafdi ka socday laanta socdaalka Soomaaliya, iyaga oo kulamo la qaatay madaxda iyo shaqaalaha heyádda socdaalka dalkan Norway. Bilo kadib waxaa magaalada Muqdisho gaaray shaqaale iyo saraakiil katirsan UDI-da Norway, kuwaas oo sheegay inay soo hubinayeen qaabka ay Soomaaliya u bixiso baasaboorada iyo waraaqaha aqoonsiga qofka.

Norway ayaa horey u sheegtay inay Soomaaliya ka saacideyso dib u dhiska hey´addaha qaabilsan socdaalka iyo jinsidayaha.

Relaterte innlegg

UDI: Waxaan dib u dhiska ka caawinaa hey´ada socdaalka iyo Jinsiyadaha dowlada Soomaaliya. Norway oo xarun cusub u dhiseyso hey´adda socdaalka iyo jinsiyadaha Soomaaliya. Wafdi ka socdo Norway oo hubinaya qaabka ay Soomaaliya u bixiso documentiyada oo Muqdisho tagay. Norway oo wafdi u direyso shirka London ee looga arinsanayo Soomaaliya