Foto: Skjerdump/nrk

Xisbiyada Høyre, Frp iyo Venstre ayaa tan iyo labadii bishan Janaury u fadhiyay wada hadalada ku saabsan soo dhisada xukuumad cusub oo ay sadexdan xisbi wadaagaan.

Xisbiga Venstre ayaa maanta ugu danbeyn ogolaaday inay ku biiraan xukuumada Erna Solberg ay hogaamiso ee ka koobneyd xisbiyada Frp iyo Høyre. Frp ayaa iyagana dhankooda ogolaaday inay kasii mid noqdaan xukuumada Solberg ee Venstre lagu soo biirin doono.

Madaxda sadexdan xisbi ayaa daqiiqado kahor qabtay shir jaraaid oo ay kusoo bandhigeen inay gaareen heshiis-siyaasadeed oo ku saabsan inay soo dhisaan xukuumad ay wadajir ku yihiin, mid kastaana wuxuu goonidiisa u sheegtay inuu guul ka gaaray wada hadalada, uuna meelmariyay danaha xisbiga.

Xisbiyadan ayaa sidoo kale sheegay inay gadaal kasoo sheegi doonaan qaabka ay u qeybsadeen wasaaradaha, iyo liiska golaha xukuumad cusub ee reysulwasaare Ern Solberg.

Xigasho/kilde: NRK

legg igjen kommentar/ ka dhiibo fikirkaaga

avatar
  Subscribe  
Notify of