Kooxda xulka qaranka kubada cagta dalka Sweden ayaa xalay u gudubtay koobka aduunka ee sanadka dambe lagu ciyaari doono dalka Ruushka. Sweden ayaa xalay bar-bardhac gool la´aan la gashay xulka qaranka dalka Talyaaniga, balse waxey guushu raacday Sweden oo kulankii hore ku badisay 1-0.

Sweden ayaa xaley koobka aduunka ka reebtay xulka qaranka Talyaaniga oo markii ugu horeysay mudo 60 sano ku dhawaad ah aan sanadka soo socdo ka qeybgali doonin koobka aduunka ee ka dhici doono dalka Ruushka.

Laacibiinta Sweden ayaa sidoo kale xalay garoonka oohin kaga saaray halyeyga kooxda Juventus iyo xulka dalka Talyaaniga, Gianluigi Buffon oo sanadkan rabay inuu waayihiisa ciyaareed kusoo xiro koobka aduunka ee Ruushka ka dhici doono. Buffon ayaa ciyaarta kadib sheegay inuu isaga fariistay xulka qaranka Italy, waxaana la arkayay isaga oo xalay oohin uga baxayo garoonka ay ciyaartu ka dhacday.

legg igjen kommentar/ ka dhiibo fikirkaaga

avatar
  Subscribe  
Notify of