Ugu yaraan labo ruux ayaa lagu soo waramayaa inay geeriyoodeen kadib markii nin mindi ku hubeysan uu weeraray dad ku sugnaa goob suuq ah magaalada Turku ee ku taalla 160 km koonfur galbeed caasimada Finland ee Helsinki.

Booliska waxay sheegayaan in weerarka ah ayaa ka dhacay Suuq lagu magacaabo Puotori ee magaaladaasi Turku ee dalka Finland.

Booliska ayaa lugta ka toogtay islamarkaana xabsiga dhigay qofka la rumeysan yahay in uu yahay qofkii weerarkaasi fuliyay.

Illaa 8 ruux ayay gaarayaan dadka dhaawaca ah, sida ay sheegeen booliska.

War qoraal ah oo boolisku soo dhigeen barta twitter-ka ayay uga digeen dadka inay bannaanada u soo baxaan iyadoo boolisku sheegeen inay weli baadi goobayaan dad kale oo laga yaabo inay hubeysan yihiin oo weli dhuumanayaan.

Cabsi ayaa guud ahaan dalka Finland oo ah waddan intiisa badan nabad ka ahaa dhibaatooyinka ka dhacay dunida sanadahan danbe.

Illaa hadda Dowlada Finland waxay sheegeysaa inay weli waqti hore tahay in weerarka lagu sheego mid argagixiso iyo in kale.

Wasaaradda arrimaha gudaha Finland ayaa shaacisay inay baareyso sababta dhacdadan ka danbeysa iyo qofka geystay ujeedkiisa.

[adsenseyu2]

legg igjen kommentar/ ka dhiibo fikirkaaga

Bli den første som kommenterer/dhiibo fikirkaaga

avatar
  Subscribe  
Notify of