Surnadal:Gabar soomaali ah oo warshad ka hirgalisay halkaas

Driva oo ah Wargeys lokalka ah oo kasoo baxa deegaanka Surnadal ee kommunaha Nordmøre i Møre og Romsdal, ayaa warbixin ka qoray Nasro Axmed Xaaji oo ah gabar soomaali ah halkaas ka furatay warshad soo saari doonto sanbuuska iyo bas-baaska.

Waxeyna Nasro sheegtay iney diyaar u tahay iney bilowdo sameynta iyo iibgeynta sambuuska iyo basbaaska, ayna hada raadineyso goob jiko wax-soosaar sharciyeysan ah oo ay ku howl-gasho. 

 

Wargeyskaas lokalka ah ayaa sidoo kale qorayo in Nasro ay qaab tijaabo ahaan ay dadka u bartey sambuuska iyo bas-baaska ay sameyso, dalabyada ka imaanayo dadka deegaankana, ay mar horeba bilaabeen iney iska soo daba dhacaan. 

Nasro ayaa ka qeybgashey koorsooyin dadka lagu baro sida ay wax u hal-abuuri lahaayeen, waxeyna sheegtay iney halkaas ka heshay dhiirinaan iyo kalsooni ay ku kalsoontahay hal-abuurnimadeeda gacanta. Waxaana koorsooyinkaas bixiyay kommunaha iyo IMDI oo iskaashanayo, iyaga oo Nasro iyo warshadeeda cusub usoo qaatey tusaalaha natiijada ugu fiican ee ka dhashay koorsooyinkaas. 

Sambuuska ayaa ah cuntooyinka soomaalida oo ay aadka u jecelyihiin dadka ajaaniibta, mar walbana aad looga raadiyo goobaha ay isugu yimaadaan dadka wata dhaqamada kala duwan. Sambuuska soomaali kaliya ma sameyso oo wadamo kaleba waa laga yaqaanaa, laakiin sambuus soomaaliga, ayaa ah kan mar walba a ay norwiijigu jecelyihiin. 

Xigasho/kilde: Driva-papiravis(16-12-2016, side 6). 

[adsenseyu2]

legg igjen kommentar/ ka dhiibo fikirkaaga

Bli den første som kommenterer/dhiibo fikirkaaga

Notify of
avatar
wpDiscuz