Afarta xisbi ee bah wadaagta ku ah dowlada hada ka taliso wadanka, ayaa madaxa iskula jiro, kadib markii ay isla meel dhigi waayeen miisaaniyad sanadeedka sanadka soo socdo ee 2017. Xisbiyadan ayay balantu aheyd in maalintii shaley aheyd ay soo gudbiyaan natiijada wada xaajoodkooda ku aadanaa qorsha dajinta miisaaniyada, balse shaley way u kala kaceen oo wax natiijo ah kama soo bixin kulamadooda.

Arinta ugu culus ee la isku heysto ayaa ah, canshuurta laga qaado bensinka baabuurta iyo dadka iska leh baabuurta. Xisbiga FRP ayaa rabo iney canshuurtan dhimaan, si ay u buuxiyaan balanqaadkii ahaa iney qiimaha shidaalka hoos u dhigayaan, halka Venstre iyo Krf ay k adkeysanayaan inaan wax laga badalin lacagta canshuurta ah ee laga qaado baabuurleyda.

FRP iyo Høyre ayaa dhinac isugu biiray, halka KRF iyo Venstre ay dhinaca kale istaageen. Maanta waxaa shir gaar ah lahaa FRP iyo Høyre, shirkaas oo ay uga wada tashanayeen talaabada ay qaadayaan, hadii ay qancin waayaan labada xisbi ee kale. 

Dowlada Erna Solberg oo ay u dhimantahay wax kayar sanad, ayaa laga yaabaa in hadii khilaafkan uu sii xoogeysto ay sababto iney dhacdo. Codbixinada xaga internetka ee la qaaday maalmihii ugu danbeeyay, ayaa sheegaya in  xisbiyada FRP iyo Høyre ay lumiyeen taageerayaal badan.

legg igjen kommentar/ ka dhiibo fikirkaaga

Bli den første som kommenterer/dhiibo fikirkaaga

Notify of
avatar
wpDiscuz