Magaalooyinka dalka Norwey, waxa ay leeyihiin hogaan jaaliyadeed kuwaa oo lagu soo doorto doorasho bulshadu ay codkooda siiyaan hadba cidii ay u arkaan inay wax ka qaban karaan baahiyooyinka kala duwan ee jaaliyada magaaladaasi.

Waxaana baahiyaas kamid ah wacyigelinta, dhibaatooyinka soo wajaha qoysaska, dadka aan sharciyada heysan oo laga caawiyo sidii ay Looyaro ku heli lahaayeen, isbadalada siyaasadeed ee dalka ka dhaca, sida arrimaha hadda taagan iyo arrimo kale oo aad u fara badan oo aan qoraal maalin kaliya  lagu soo koobi Karin.

Ugu horeen magaalada Oslo waa caasimada dalka Norwey waa magaalo ay ku nooshahey jaaliyada soomaaliyeed oo aad u badan tiro ahaan.     jaaliyada soomaaliyeed ee magaaladaasi, waa kuwo u shaqeeya sidii ay dadku ka filayeen iyo waliba si kasii wanaagsan.

Hogaanka Jaaliyada marka laga tago bulshada Oslo, waxaad moodaa kuwo si iskood ah mararka qaarkood isku abaabula. Waxayna mar waliba dhagta ku hayaan oo ay si joogta ah ula socdaan siyaasadaha dowlada Norwey, ka warqabida soomaalida magaaladaasi iyo magaalooyinka ku dhow dhow, si qof-qof ah iyo waliba si qoys-qoys ah. Waana sababta aan ugu yeeray inay yihiin fariidyaal.

Bilihii ugu dambeeyey waxaa socday isbadal aad u xoogan, kaas oo aad moodo inuu salka ku hayo kacdoon iyo nabaad-guurin ka dhan ah soomaalida ku nool dalka Norwey. Si guud ayaana loo wada dareemay, waxaana aan aragnaa fal celinta reer Oslo iyo dadka ku nool deegaanada ku dhow dhow.

Marka laga yimaado Oslo, waxaa jira meelo kale oo ay ku badan yihiin Jaaliyada soomaaliyeed ee dalka Norwey. Waxaana tusaale ahaan ka mid ah caasimada labaad ee Bergen. Waxaana ku nool jaaliyad soomaaliyeed oo tiro ahaan badan, aana la yareysan karin. 

15-kii December 2014-kii ayay ahayd markii doorasho qof iyo cod ah si kalsooni leh lagu doortay maamulka Jaaliyada Soomaalida Bergen. Kuwaas oo xilkii kala wareegey maamulkii ka horeeyey oo muddo laba sano ah soo hayay xilkaasi.

Hadaba Waxaa muuqata in mudadaas labada sano ah oo ay jirsatay jaaliyadu, inaysan ku tilaabsan horumar muuqdo oo la taaban karo, marka laga reebo in jaaliyadaha kale ee dalka ka jira ay ugu yeeraan jaaliyadii fadhiidka ahayd.

Tusaale ahaan sanadkan dowlada norwey waxay soo saartay amaro ka dhan ah muwaadiniinta soomaaliyeed ee ku nool wadankan, iyadoo shaqsiyaad badan oo ka mid ah dadka deegaanka magaalada Bergen ay saameen xoogan ku yeelatay arintaasi. Mana jirto cid ka tirsan jaaliyada oo arrimahaasi u istaagtay sidii wax looga qaban lahaa.

Dadka qaar ayaa is weydiinaya sababihii ay Jaaliyada u garab istaagi waysay dadkaas tan iyo waqtigii la soo doortay. Waa Maamul aan u habeysneen habkii maamul ee lagu hogaamin lahaa bulshada ay matalaan, waana maamul aan wali haba yaraatee wax la taaban karo la imaan oo aan ka ahayn Fadhiidnimo iyo inay dadku sii kala fogaadaan.

Sidoo kale waa maamul ka dhaga xiran waxyaabaha ka dhacaya wadanka Norwey, marka laga reebo inay firqo firqooyin u kala baxeen si la mid ah Ururadii Soomaaliya ragaadiyey mudada ka badan 25-ka sano.

Waxgarad ka tirsan Soomaalida ku nool magaalada Bergen oo ii waramay, ayaa ku tilmaamay maamulka Jaaliyada inay ku fashilmeen arrimihii loo igmaday. Iyaga oo ugu baaqay inay is casilaan, in kastoo mudadii labada sano ahayd ee la doortay waqti yar uu ka harsan yahay.

Si kastaba ha ahaatee jaaliyadaha ka jira wadanka Norwey, ayaa  qaar badan oo ka mid ah ay ka hadleen arrimaha soomaalida, hase-yeeshee Jaaliyada Bergen ayaan u muuqan kuwo wax qorshe iyo diyaar garow ku muujiyay dareenkooda ku aadan dhibaatada la soo darastay Soomaalida. Arintaasna ugama aysan soo muuqan sidii looga baahnaa, waana sababta aan ugu tilmaamay inay Fadhiidyaal yihiin, halka Oslo ay mudatay fariidnimada lagu sheegay.

legg igjen kommentar/ ka dhiibo fikirkaaga

2 Comments På "(Maqaal): Bile Baastey: Fariidnimada reer Oslo iyo fadhiidnimada jaaliyada Bergen"

Notify of
avatar
Sort by:   newest | oldest | most voted
Noor
Guest
Noor

Scw norsom. Wax yaalaha NRK lagu haysto waaye wax kasta wala hubsadaa sabaabtoo ah saxafad ayaa tihiin. Waa inaad xog ururisaan maaha wax qof inii sheegay inaad qadataan. Somalida waa dad jecel wax kasta deg deg. Jaaliyada somaliyeed Dad badan ayey cawisay sharciyada lagu dhegenaa taasna war umahaysaan saxafada hadaad tihiin waxaa ku shaqeeyneeysaan hebel hebel baa saas nagu yiri waan ka xumahay waxaad cinwaanka ka dhigtay. Wax hubsadaa scw

wpDiscuz