Xisbiga SV oo kamid ah xisbiyada bidixda siyaasada Norwey, ayaa maanta sheegay inay qiimeynayaan in ay baarlamaanka Norway hor geeyaan sharci cusub oo shardi ka dhigaya in haweenku ay kamid noqdaan gudiyada iyo maamulada masaajida iyo goobaha kale ee lagu cibaadaysto, ee kaalmada dhaqaale ka hela dowlada.

Bård Vegar Solhjel oo kamid ah xubanaha baarlamaanka xisbiga SV ayaa sheegay in sinaanta raga iyo dumarku uu yahay qodob kamid ah qodobada aas-aasiga ah ee dhaqanka Norwey, isla markaana ay qiimeyn ku sameynayaan in ay sharcigan horgeeyaan baarlamaanka si haweenku ay u helaan awood iyo saameyn xaga goobaha cibaadada ah. Xisbiga kale ee AP ayaa isna sheegay in qodobkan ay ka fiirsan doonaa 

Xisbiyada FRP iyo SP ayaa iyaga dhankooda sheegay inaysan xal keeneen in shardi laga dhigo in haweenku ay qayb ka helaan gudiyada masaajida, laakiin ay tahay in laga shaqeeyo sidii dumarka loogu guubaabin lahaa in qayb le-eg tan raga ay ka helaan gudiyada masaajida.

Wasaarada dhaqanka Norwey ayaa sheegtay inaysan wax jawaab ah ka bixin doonin hadalkan kasoo yeeray xisbiga SV ilaa ay baarlamaanka horkeenaan. 

Warkan kasoo yeeray xisbiga SV ayaa kusoo aadayo, iyada oo bilo kahor ay baarlamaanka horgeeyeen qodob kale oo sheegayo in lacagta kaalmada dowlada laga jaro, masaajida kaalmada dhaqaale ka hela dowlado ay kamid tahay Sucuudiga.

Xigasho/kilde: Nettavisen, Itromsø [adsenseyu1]

legg igjen kommentar/ ka dhiibo fikirkaaga

Bli den første som kommenterer/dhiibo fikirkaaga

Notify of
avatar
wpDiscuz