Kooxda Waryaa Stars oo ah mid kamid ah labo kooxood oo magaca Soomaaliya ku ciyaaraysay kooba Norwey-Cup sanadkan, ayaa badisay dhamaan sadexdii kulan oo ay ciyaareen ilaa hada. Sidaas darteed kaalinta koowaad kaga soo baxday groupkii ay ku jireen. Kooxdan oo kujirtay gruopka 32-aad ee wiilasha 15 ilaa 16 jirada ah ayaa ilaa hada laga dhaliyay hal gool oo kaliya, halka ay iyaguna dhaliyeen isku dar 10 gool. Sadexda kooxood oo kale oo ay la ciyaareen waxay ahaayeen kooxo norwiiji ah oo ka dhisan magaalooyin kala duwan oo wadankan Norwey ka dhisan

Natiijoonka kooxda Waryaa Stars:  

Waryaa stars 5 -1 Byneset IL 

Waryaa star 2-0 Åheim IL

Waryaa stars 3-0 Øystese IL 

Waryaa Stars oo ah koox ka kooban dhalinyaro soomaali ah oo laga soo uruuriyay wadanka Sweden ayaa sanadkii hore kaalinta sadexaad ka gashay koobkan, iyaga oo kooxaha ay ka badiyeen ay kamid ahayd koox ka socotay wadanka Brasil oo dhowr mar oo hore kuguulaysatay koobkan. Sanadkana waxay u egtahay inay meel fiican ka gaari doonaan koobkan, maadaama uu ka muuqdo isbadal iyo isdiyaaris xoogan

Kooxdan oo hada usoo baxday wareega 16ka ee koobkan ayaa bari subaxii la ciyaari doonta kooxda Frigg Oslo FK B oo ah koox norwiiji ah oo ka dhisan magaaladan Oslo. Ciyaartan ayaa dhacayso barito aroortii saacada 8 Am

Xigasho: Norweycup.no

FG: NorSom News ayaa isku daydey inay raadiso macluumaadka natiijooyinka kooxda kale ee soomaalida ah  ee koobkan ka qaybgalaysay sanadkan, balse noorma suurtogalin inaan helno. 

 

legg igjen kommentar/ ka dhiibo fikirkaaga

Bli den første som kommenterer/dhiibo fikirkaaga

Notify of
avatar
wpDiscuz