Shirkada Zoopit oo uu aas-aaskeeda wax kulahaa Shafi Aden oo ah wiil dhalinyaro soomaali norwiiji ah ayaa heshay lacag dhan 12 milyan NOK oo maalgelin cusub ah. Lacagtaas oo ay ku maalgashteen shirkadaha kala ah Schibsted iyo  Norgesgruppen. Zoopit oo ay Shafi iyo wiil kale wada aas-aaseen sanadkii 2013 ayaa keentay qaab cusub oo isku xiri karta dukaamada raba in alaab loo qaado macaamiisha joogto guryaha iyo baabuurta banaan ee diyaar u ah inay alaabtaas qaadaan. Waxaana mar hore shirkadan saamigeeda ugu weyn gatay Schibsted oo ah shirkada leh milkiyada wargayska ugu waaweyn wadanka sida Aftenposten, VG, Bergens Tidende, Stavanger Aftenblad iyo waliba finn.no. Hadana waxaa saami kamid ah Zoopit gatay shirkada kale ee NorgesGruppen oo ah shirkada iska leh dukaamada cuntada iyo adeega ee ugu waaweyn wadanka, sida KIWI, Meny, Joker iyo Spar.

Shirkada NorgesGruppen ayaa sidoo kale kusoo biirtay macaamiisha Zoopit, maadaama uu dhawaan dukaanka Meny uu bilaabay qayb cusub oo online ah, oo adiga oo gurigaaga joogo aad dalban karto alaabtaada, isla markaana laguugu keeni doono isla gurigaaga. Waxayna Zoopit iyo Meny sidaas ugu soo biireen dagaalka ka dhex socdo shirkadaha cuntada ku iibiyo qaabka online-ka ah, iyada oo suuqan sanadkii walbe laga dhaliyo lacag dhan 1,5 bilyan NOK. lana rajeynayo in lacagta laga dhalino suuqan ay kor u kacdo oo gaarto afar ilaa 10 bilyan afarta sano ee soo socota.

Shafi Aden oo u waramayay wargayska ka hadla arimaha dhaqaalaha ee Dagens Næringsliv ayaa sheegay in uu ku faraxsanyahay in ay shirkada Norgesgruppen kusoo biirtay macaamiisha shirkadiisa, isaga oo sheegay in tani ay cadeyn u tahay qiimaha(kvalitet)shirkada Zoopit. wuxuu kaloo inta ku daray in heshiiskan uu yahay guul weyn oo ay soo hoyiyeen, maadaama bilihii ugu danbeeyay oo dhan ay ka shaqaynayeen sidii heshiiskan loo soo xero galin lahaa. Wax badan ayaan ku fakari jirney inaan soo galno suuqa cuntada iyo adeega. Waa suuq si dhaqso ah u korayo, waxaana rabnaa inaan qayb ka noqono koritaankaas.

Inkasta oo Shafi ama milkiilayaasha kale ee shirkada Zoopit aysan rabin inaan macluumaad dheeri ah ka bixiyaan lacagta ay rajeynayaan inay dhaliyaan, hadana wargayska warbixinta ka diyaariyay ee Dagens Nærensliv ayaa qaba inay isla sanadkanba dhalin karaa lacag gaaraysa ilaa dhowr malyan.

Shafi Aden ayaa sidoo kale ah milkiilaha shirkada Golden Academy oo ah shirkada privet ah oo caruurta ka caawisa casharada iskuulka, sidoo kale bixisa maadooyin u gaar ah. Shafi wuxuu sanadkii 2009 ku guulaystay bilada qofka dhalinyarada ah ee sanadka.

Hadaad maqli jirtay soomaali la leeyahay ceyr bay qaataan oo ma shaqeystaan, hadana baro wiilkan dhalinyarada soomaaliga ee dadaalka ugu jiro inuu wax la qaybsado shirkadaha ugu awooda iyo magaca weyn wadanka.

Xigasho: Dagens Næringsliv

 

legg igjen kommentar/ ka dhiibo fikirkaaga

Bli den første som kommenterer/dhiibo fikirkaaga

Notify of
avatar
wpDiscuz